ఆంధ్రభారతి - తాళ్లపాక అన్నమాచార్య కీర్తనలు - పొలతి మా చెలి యనుచు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 255 సంకీర్తన: 269
ప్రత్యేక సంపుటము - సంకీర్తన: 198

తాళ్లపాక అన్నమాచార్య

రాగము: సౌరాష్ట్ర

పొలతి మా చెలి యనుచు - బొగడే మిపుడు నీ తలపులో లెస్సగా - తలపోసి చూడు	॥పల్లవి॥
కోడె జక్కవలు మా - కొమ్మ పాలిండ్లతో యీ డనగవచ్చు; నొక - యింత కడమ! కూడి వీడుట వాని - గుణము; వీనికి నెపుడు కూడుటలే కాని మరి - వీడుటలు లేవు	॥పొలతి॥
గొనబు బేడిసలు మా - కోమలి కనులతో నెనయంగ వచ్చు; నొక - యింత కడమ! జునిగి పెనగుట వాని - సూటి; వీనికి నెపుడు జునుగుటలే కాని మరి - పొనుగుటలు లేవు	॥పొలతి॥
యెలమి వేంకటపతి - (యీ) కలకంఠితో నిల జోడనగ వచ్చు (నొక) - యింత కడమ! బలిసి పొలియుట వాని - బాగు; (పొలతి)కి నెపుడు బలియుటలే కాని - పొలియుటలు లేవు	॥పొలతి॥