ఆంధ్రభారతి - తాళ్లపాక అన్నమాచార్య కీర్తనలు - పొసగంగా చెలినడు(మది) - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 211 సంకీర్తన: 221
ప్రత్యేక సంపుటము - సంకీర్తన: 199

తాళ్లపాక అన్నమాచార్య

రాగము: లుప్తము

పొసగంగా చెలినడు(మది) - పోలగనెటులుండె నెసగ నాకాశమ్మే - యిల తెగిపడినట్లుండె	॥పల్లవి॥
అరయగ నీ కమ - లాననకు నయనము లొరసి యెన్నికకు నెటు - లుండె (దిలకింప) ధరపై చంద్రో - దయమునకై కలువలు చిరతరమ్ముగ వేచి - వికసించినటులుండె	॥పొసగంగా॥
అల(లి)వేణి వలిపె ప - య్యదలోని కుచములు మలగిన చెలి చెలిమి - చెలువ మెటులుండె సలిలతములైనట్టి - జక్కవ పులుగులు చెలగి సన్నని వలను - జిక్కినటులుండె	॥పొసగంగా॥
(అరయ) నలమేల్మంగ వేంక - టాధీశుకౌగిట నరిగాపు సేయగా - నది యెట్టులుండె నెరయంగ గప్పిన - నీలమేఘము పొంత (మెరసి మినుకను) తీగ - మెఱపువలె నుండె	॥పొసగంగా॥