ఆంధ్రభారతి - తాళ్లపాక అన్నమాచార్య కీర్తనలు - మంచి వయసు కాలము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 146 సంకీర్తన: 148
ప్రత్యేక సంపుటము - సంకీర్తన: 204

తాళ్లపాక పెదతిరుమలాచార్య

రాగము: దేసాక్షి - అట

మంచి వయసుకాలము మాయతో నేమరి వుండి పంచేంద్రియసుఖము పాలాయె బ్రదుకు	॥పల్లవి॥
ముదిసే కాలమునాఁడు మోక్షము సాధించే నంటా మదించి నూరేండ్ల ముది మది దప్పును కదలలే కంతటను కన్నుల పొరలు గప్పి అదెవ్వ రిదెవ్వరంటా నడుగుచు నుండును	॥మంచి॥
జవ్వనపాయము వోఁగా సన్యాసి నయ్యే నంటాను నవ్వుతానే నరసి వణఁకఁ జొచ్చును చివ్వన నెముక వంగి చేత నూఁతకోల వట్టి వువ్విళ్లూర నెంగిలిలో నోలలాఁడఁ జొచ్చును	॥మంచి॥
యింక మీఁదట శ్రీవేంకటేశ్వరు సేవించే నంటా సంకె లేక వుండఁగాను సత్వవోవును అంకెల వీఁడు వెఱ్ఱియైనా నంతరాత్మగాన మంకు దేర నీమాటకే మంచిగతి వెట్టుము	॥మంచి॥

(ఈ సంకీర్తన 15వ సంపుటంలో 204వ సంకీర్తనగా ఉంది.)