ఆంధ్రభారతి - తాళ్లపాక అన్నమాచార్య కీర్తనలు - మగఁడని యాలని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 99 సంకీర్తన: 99
ప్రత్యేక సంపుటము - సంకీర్తన: 207

తాళ్లపాక అన్నమాచార్య

రాగము: కేదారగౌళ

మగఁడని యాలని - మరపిన దైవము పగలు రేయి నే - ర్పరిచె నొకో	॥పల్లవి॥
పెదవుల నమృతము - పెట్టిన దైవము నిదురలు కంటికి - నేర్పెనొకొ యెదురై చూడగ - నిచ్చిన దైవము కదియ(ని) వీనుల - (గావించి) నొకో	॥మగఁడని॥
నిగ్గులు నిలువున - నిల్పిన దైవము సిగ్గుల నేటికి - జేసెనొకో వొగ్గిన తావుల - నొసఁగిన దైవము సిగ్గరి వెరపేల - (జేసె)నొకో	॥మగఁడని॥
సమరతి నామని - సలిపిన దైవము చెమటల జడేల - చినికె నొకో అమరిన శ్రీవేంక - టాచలనాథుడు గమకపుదైవమై - కవిసెనొకో	॥మగఁడని॥