ఆంధ్రభారతి - తాళ్లపాక అన్నమాచార్య కీర్తనలు - మగల మగువల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 131 సంకీర్తన: 133
ప్రత్యేక సంపుటము - సంకీర్తన: 208

తాళ్లపాక అన్నమాచార్య

రాగము: ముఖారి

మగల మగువల బొ - మ్మలవోలె నాడించె చిగురు గైదువ వాని - చేతలిటువంటివి	॥పల్లవి॥
సతియు గడునేర్పున - గత చెప్ప వెరగంది పతియు నూకొనకున్న - భావంబు వేరై యతనిపై నలగి చ-య్యన నవ్వలి మోమై అతివె పల్కకుయున్న - నలిగె నాతడును	॥మగల॥
కలకంఠి పలికిన - కత దలచి పులకింప చెలువు సోకగ వేరె - చెలువయని తలచగా గలుగు మైపులకలని - కాంత యవ్వల జరుగ వెలది చలమును జూచి - విభుడును జరగేను	॥మగల॥
మునుదా బలుకు కత - ననురక్తిని గణింప ఘనుడు శ్రీవేంకట వి-భుని భావంబు గని ననుచు పరవశముగా - దని తెలిసి పంకజా నన జూచి నాయకు - డును మరలి కూడేను	॥మగల॥