ఆంధ్రభారతి - తాళ్లపాక అన్నమాచార్య కీర్తనలు - మన చేతగావు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 186 సంకీర్తన: 193
ప్రత్యేక సంపుటము - సంకీర్తన: 215

తాళ్లపాక అన్నమాచార్య

రాగము: కాంబోది

(మన) చేతగావు యీ - మర్మంబులు తనుదానె సమకూర్చు - దైవికము కాదె	॥పల్లవి॥
సరసిజానన మేన - సారెకును సారెకును కురువేరు మరువములు - గురియగాను మరుని చమరింపులకు - మకరందమార్గమై తరితీపు సేసినది - దైవికమె కాదా	॥మన॥
అలివేణి (ముఖ)మున - అప్పటి నప్పటికి కలువలును తామెరలు - క్రమ్ముకొనగా మలయమారుతములను - మత్తభృంగములను తలలెత్తజేసినది - దైవికమె కాదా	॥మన॥
మగువ తుదకన్నులకు - మాటికిని మాటికిని మృగమదము జవ్వాది - మించగాను తెగువనంతటిలోన - తిరువేంకటేశ్వరుని తగులుగా జేసినది - దైవికమె కాదా	॥మన॥