ఆంధ్రభారతి - తాళ్లపాక అన్నమాచార్య కీర్తనలు - మనసిచ్చునో మనసియ్యదో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 183 సంకీర్తన: 190
ప్రత్యేక సంపుటము - సంకీర్తన: 216

తాళ్లపాక అన్నమాచార్య

రాగము: శంకరాభరణం - అట

మనసిచ్చునో మనసియ్యదో - మాదే భారమా? నీ మనసు రాజేయకున్నను - మాదే భారమా?	॥పల్లవి॥
ఆపె నిన్ను నొకటి సేయ - నోపిన వారమింతె గాక మాపటి యౌగాములకును - మాదే భారమా? వోపిక నిద్దరి మనసులు - నొకరొకరి వింతె గాక మాపై పందెము వేసే వదియును - మాదే భారమా?	॥మనసిచ్చునో॥
అంచగమనకును నీకు - నంటు చేసేమింతె గాక మంచము మీది సుద్దులకును - మాదే భారమా మించిన వేడుకల ర-మించుకోవలె గాక మంచితనము లేకున్ననదియు - మాదే భారమా?	॥మనసిచ్చునో॥
ముదితకు నీకు వియ్య - ములుచేసే మింతె గాక మదిలోని కపటములకును - మాదే భారమా యిదిగో శ్రీవేంకటేశ! - యింతి నీవు గూడుకొని మది పరవశమందుటయు - మాదే భారమా?	॥మనసిచ్చునో॥