ఆంధ్రభారతి - తాళ్లపాక అన్నమాచార్య కీర్తనలు - ముద్దుగారీ నమ్మ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 257 సంకీర్తన: 271
ప్రత్యేక సంపుటము - సంకీర్తన: 221

తాళ్లపాక అన్నమాచార్య

రాగము: సౌరాష్ట్ర

ముద్దుగారీ నమ్మ - మోహనమురారి పెద్ద బుద్ధులును భువినెందుఁ - బుట్టనట్టి సుద్దులును	॥పల్లవి॥
చిన్నారి వదనమును - జిగి చెక్కులును సోగ కన్నులు వెడదయౌనురము - కంబుకంఠము వున్నతపునాసికము - వుంగరపు నెరులును క్రొన్నన వంటి నామము - కొదలు మాటలును	॥ముద్దుగారీ॥
సెలవులవెంట జిడ్డు - చేత వెన్నముద్దయును కలికినవ్వులు తన - గయాళింపులు మలయు నడపులును - మందంపురూపులును అల(య) గునిసి గునిసి - యాడేటి యాటలను	॥ముద్దుగారీ॥
నీలమేఘపుచాయ - నిండారునునుమేను లీల తమ్మిరేకులంత - లేసి పాదాలు బాలుఁ డలమేలుమంగ - పతి వేంకటకృష్ణుని మేలంపు సరసములు - మించు నొయ్యారమును	॥ముద్దుగారీ॥