ఆంధ్రభారతి - తాళ్లపాక అన్నమాచార్య కీర్తనలు - మేలుగావలెనే వో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 98 సంకీర్తన: 98
ప్రత్యేక సంపుటము - సంకీర్తన: 222

తాళ్లపాక అన్నమాచార్య

రాగము: కేదారగౌళ

మేలుగావలెనే వో - మెలుత చాల నోరూరించు నీ - జవ్వనమ్మునకు	॥పల్లవి॥
మొదలేరుపడి సన్న - మోసులెత్తి గనుపట్టి తుదలొక్కించుకచూపి - తోరములై వుదుటికి మెరుగారి - వొక్కపాటున కదిసి గీటాడు నీ - గబ్బిగుబ్బలకు	॥మేలుగా॥
తళుకులై వీనుల - తారసిలి బెళుకులై తెలుపుమించి మిగుల - తేటలగుచు కెలకులను గనుగెంపు - గీలుకొని వెడదలై కలకల నవ్వు (నీ) - కన్నుగవకు	॥మేలుగా॥
తావిమించిన తీపు - తావి కడు చల్లనై తావి బెరసిన మంచి - సావి జెంది వేవేలు తెరగుల - వేంకటపతినౌ నా భావము దనియించు నీ - మోవికిని	॥మేలుగా॥