ఆంధ్రభారతి - తాళ్లపాక అన్నమాచార్య కీర్తనలు - మేలెరిగినవాడవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 208 సంకీర్తన: 219
ప్రత్యేక సంపుటము - సంకీర్తన: 223

తాళ్లపాక అన్నమాచార్య

రాగము: లుప్తము

మేలెరిగినవాడవు - మెచ్చితి నిను జాల (జాలి) బెట్టక చెప్పుమా దా - చక నీ(వు) నాతోడు	॥పల్లవి॥
చక్కెర పాలిత్తువో - చవిగా మోవిత్తువో వుక్కుగోటికొద్ది - చెక్కునొక్కుదువో కక్కసపు గుబ్బల యెద - గాడిపార నూరు(దు)వో మక్కువతో జెప్పరా - మలగునియ నిన్ర (స్వామి)!	॥మేలెరిగిన॥
సన్నజాజుల జుట్టుదువో - సరులదండ వేతువో పన్ని కంకణాల చేత - పాదము లొత్తుదువో కన్నులమ్రొక్కుదువో - కైవసము చేసికొందువో మన్ననతో జెప్పరా - మలగునియ నిన్ర (స్వామి)!	॥మేలెరిగిన॥
సందిటనుంతువో - సరసమాడుదువో పొందుగా తమ్ముల(పు)ము - పొత్తు గలుపుదువో కందువ కలయికల - కలిసి లో జేసుకొందువో విందములే జెప్పరా శ్రీ - వేంకటభూధరవాస	॥మేలెరిగిన॥