ఆంధ్రభారతి - తాళ్లపాక అన్నమాచార్య కీర్తనలు - రేలు నీవేల వెన్నెల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 54 సంకీర్తన: 53
ప్రత్యేక సంపుటము - సంకీర్తన: 231

తాళ్లపాక అన్నమాచార్య

రాగము: శంకరాభరణం

రేలు నీవేల వె - న్నెల పాలు సేసేవె, నన్ను దేలించు ముచ్చటలు - దీరెనటె చెలియా	॥పల్లవి॥
చల్లని గుబ్బలపై - జారేటి గందవొడి చెల్ల రవికె(ల)పాలు - సేయంగవలెనా! యల్ల దమిలేకనా - యదనదిమినా గాని వుల్లమ్ముకొదమాని - వుండదటె చెలియా!	॥రేలు॥
తెరవ! ముద్దులుగారు - తియమోవి తేనియలు చిరునగవుల పాలు - సేయంగ వలెనా! అరయకిచ్చిన (మనసు) - అంగజుని కాకచే మరగేటి వొడలెల్ల - మా(న)దటె చెలియా!	॥రేలు॥
కలికి! కుందనపు జా - యల మై నిగ్గులెల్ల జిలుగు సొమ్ముల పాలు- సేయంగవలెనా అలమేలుమంగ శ్రీవేంక - టప్పని మైనున్న చెలరేగి చెప్పినటు - సేయదటె చెలియ	॥రేలు॥