ఆంధ్రభారతి - తాళ్లపాక అన్నమాచార్య కీర్తనలు - శరణు శరణు రామచంద్ర నరేంద్రా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 287-6
సంపుటము: 3-505

తాళ్లపాక అన్నమాచార్య

రాగము: శ్రీరాగం

శరణు శరణు రామచంద్ర నరేంద్రా సరి మమ్ముఁ గావు రామచంద్ర నరేంద్రా	॥పల్లవి॥
ఘన దశరథునకుఁ గౌసల్యాదేవికిని జననమందిన రామచంద్ర నరేంద్రా కనలి తాటకిఁ జంపి కౌశికు జన్నము గాచి చనవు లిచ్చిన రామచంద్ర నరేంద్రా	॥శర॥
అరిది సీతఁ బెండ్లాడి అభయ మందరి కిచ్చి శరధిఁ గట్టిన రామచంద్ర నరేంద్రా అరసి రావణుఁ జంపి అయోధ్యానగర మేలి సరవి నేలిన రామచంద్ర నరేంద్రా	॥శర॥
పన్నుగ నలమేల్మంగపతి శ్రీవేంకటేశ్వరు- సన్నిధి నిల్చిన రామచంద్ర నరేంద్రా అన్నిటా లక్ష్మణభరతాంజనేయశత్రుఘ్నుల- సన్నుతి కెక్కిన రామచంద్ర నరేంద్రా	॥శర॥