ఆంధ్రభారతి - తాళ్లపాక అన్నమాచార్య కీర్తనలు - ఆదిమపురుషుడు అహోబలమునను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 288-2
సంపుటము: 3-507

తాళ్లపాక అన్నమాచార్య

రాగము: సాళంగనాట

ఆదిమపురుషుడు అహోబలమునను వేదాద్రిగుహలో వెలసీ వాఁడే	॥పల్లవి॥
వుదయించె నదిగో వుక్కుఁ గంభమున చెదరక శ్రీనరసింహుడు కదిసి హిరణ్యుని ఖండించి ప్రహ్లాదు- నెదుట గద్దెపై నిరవై నిలిచె	॥ఆది॥
పొడచూపె నదిగో భువి దేవతలకు చిడుముడి శ్రీనరసింహుఁడు అడర నందరికి నభయం బొసగుచు నిడుకొనెఁ దొడపై నిందిరను	॥ఆది॥
సేవలు గొనె నదె చెలఁగి సురలచే శ్రీవేంకటనరసింహుడు దైవమై మమ్మేలి దాసుల రక్షించె తావుకొనఁగ నిటు దయతోఁ జూచి	॥ఆది॥