ఆంధ్రభారతి - తాళ్లపాక అన్నమాచార్య కీర్తనలు - సురలు సంతోషించి రసురలెల్లా నడఁగిరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 288-4
సంపుటము: 3-509

తాళ్లపాక అన్నమాచార్య

రాగము: దేసాళం

సురలు సంతోషించి రసురలెల్లా నడఁగిరి తొరలి దిక్కుల దేవదుందుభులు మొరసె	॥పల్లవి॥
కఁడగి వసుదేవుని కాంత దేవకిదేవికి వుడివోని వేడుకఁ జంద్రోదయవేళ కొడుకై జన్మించినాఁడు కూరిమి శ్రీకృష్ణుఁడు నడురేయి నిదే శ్రావణబహుళాష్టమిని	॥సుర॥
రేపల్లె కెమున దాఁటి రేతిరే తెచ్చి తండ్రి పాపని యశోదవద్దఁ బండఁగఁ బెట్టి ఆపొద్దే మధురలోని కాఁడుఁబాపఁ దెచ్చుకొనె కోపగించి కంసుని మార్కొనె నందనందని	॥సుర॥
పురుఁడు వెళ్లెను మరి పుణ్యావాజన సేసిరి మురిపేన గొల్లెతలు ముద్దాడిరి అరిది శ్రీవేంకటేశుఁ డలమేలుమంగపతై యిరవై కొల్చినవారి నిందరి రక్షించెను	॥సుర॥