ఆంధ్రభారతి - తాళ్లపాక అన్నమాచార్య కీర్తనలు - ఎక్కడి కంసుడు యిఁక నెక్కడి భూభారము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 301-1
సంపుటము: 4-1

తాళ్లపాక అన్నమాచార్య

రాగము: రామక్రియ

ఎక్కడి కంసుడు యిఁక నెక్కడి భూభారము చిక్కువాప జనియించె శ్రీకృష్ణుఁడు	॥పల్లవి॥
అదివో చంద్రోదయ మదివో రోహిణిపొద్దు అదన శ్రీకృష్ణుఁడందె నవతారము గదయు శంఖచక్రాలు గల నాలుగుచేతుల నెదిరించి యున్నాఁడు ఇదివో బాలుఁడు	॥ఎక్క॥
వసుదేవుఁడల్ల వాఁడే వరుస దేవకి యదే కొసరే బ్రహ్మాదుల కొండాట మదే పొసఁగఁ బొత్తులవిూదఁ బురుఁటింటి లోపల శిసువై మహిమ చూపె శ్రీకృష్ణుఁడు	॥ఎక్క॥
పరంజ్యోతిరూప మిదె పాండవుల బ్రదికించె అరిది కౌరవులసంహారమూ నిదె హరికర్ఘ్యము లీరో జయంతి పండుగ సేయరొ కెరలి శ్రీవేంకటాద్రి కృష్ణుఁడితఁడు	॥ఎక్క॥