ఆంధ్రభారతి - తాళ్లపాక అన్నమాచార్య కీర్తనలు - కొలిచితే రక్షించే గోవిందుఁ డితఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 331-3
సంపుటము: 4-180

తాళ్లపాక అన్నమాచార్య

రాగము: ఆహిరి

కొలిచితే రక్షించే గోవిందుఁ డితఁడు యిలకు లక్ష్మికి మగఁ డీగోవిందుఁ డితఁడు	॥పల్లవి॥
గోవర్ధనమెత్తినట్టి గోవిందుఁడితఁడు వేవేలుగొల్లెతల గోవిందుఁడితఁడు కోవిదుఁడై ఆలఁగాచే గోవిందుఁడితఁడు ఆవలఁగంసుఁజంపిన ఆగోవిందుఁడితఁడు	॥కొలి॥
క్రూరకాళింగమర్దన గోవిందుఁడితఁడు వీరచక్రాయుధపు గోవిందుఁ డితఁడు కోరి సముద్రాలు దాఁటే గోవిందుఁడితఁడు ఆరీతి బాలురఁ దెచ్చేయా గోవిందుఁడితఁడు	॥కొలి॥
కుందనపుకాశతోడి గోవిందుఁడితఁడు విందుల రేపల్లె గోవిందుఁడితఁడు పొంది శ్రీవేంకటాద్రిపై పొసఁగఁ దిరుపతిలో అందమై పవ్వళించిన ఆ గోవిందుఁడితఁడు	॥కొలి॥