ఆంధ్రభారతి - తాళ్లపాక అన్నమాచార్య కీర్తనలు - వెదకిన నిదియే వేదాంతార్థము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 374-5
సంపుటము: 4-436

తాళ్లపాక అన్నమాచార్య

రాగము: బౌళి

వెదకిన నిదియే వేదాంతార్థము మొదలు తుదలు హరిమూలంబు	॥పల్లవి॥
మునుకొని అవయవములు యెన్నైనా పనివడి శిరసే ప్రధానము యెనలేని సురలు యెందరు గలిగిన మునుపటి హరియే మూలంబు	॥వెదకి॥
మోవని యింద్రియములు యెన్నైనా భావపు మనసే ప్రధానము యీవల మతములు యెన్ని గలిగినా మూవురలో హరి మూలంబు	॥వెదకి॥
యెరవగు గుణములు యెన్ని గలిగినా పరమ జ్ఞానము ప్రధానము యిరవుగ శ్రీ వేంకటేశ్వరు నామమే సరవి మంత్రముల సారంబు	॥వెదకి॥