ఆంధ్రభారతి - తాళ్లపాక అన్నమాచార్య కీర్తనలు - అన్నిమంత్రములు నిందే యావహించెను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 375-2
సంపుటము: 4-438

తాళ్లపాక అన్నమాచార్య

రాగము: లలిత

అన్నిమంత్రములు నిందే యావహించెను వెన్నతో నాకుఁ గలిగె వేంకటేశు మంత్రము	॥పల్లవి॥
నారదుండు జపియించె నారాయణ మంత్రము చేరెఁ బ్రహ్లాదుఁడు నారసింహ మంత్రము కోరి విభీషణుఁడు చేకొనె రామమంత్రము వేరె నాకుఁగలిగె వేంకటేశు మంత్రము	॥అన్ని॥
రంగగు వాసుదేవ మంత్రము ధ్రువుఁడు జపించె నంగవించెఁ గృష్ణమంత్ర మర్జునుఁడును ముంగిట విష్ణుమంత్రము మొగి శుకుఁడు పఠించె వింగడమై నాకు నబ్బె వేంకటేశు మంత్రము	॥అన్ని॥
యిన్ని మంత్రములకెల్ల యిందిరా నాథుఁడే గురి పన్నినదిదియే పర బ్రహ్మమంత్రము నన్నుఁ గావఁ కలిగెఁబో నాకు గురుఁడియ్యఁగాను వెన్నెలవంటిది శ్రీ వేంకటేశు మంత్రము	॥అన్ని॥