ఆంధ్రభారతి - తాళ్లపాక అన్నమాచార్య కీర్తనలు - కెరలి బయట దాఁగీ వీఁడు తన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 22-5
సంపుటము: 5-124

తాళ్లపాక అన్నమాచార్య

రాగము: ఆహిరి

కెరలి బయట దాఁగీ వీఁడు తన- వొరపులు చూపుచు నొరగీ వీఁడు	॥పల్లవి॥
కొమ్మ చూడవే కొలిమిగూటిలో- నమ్మెడి సూదులె యదె వీఁడు ఎమ్మెలు నెరపుచు నెక్కడఁ దిరిగో నమ్మికబొంకుల నను సొలసీని	॥కెరలి॥
నాఁతిరో చూడవే నవ్వుచు మీలకు- నీఁతలు గరపీనిదె వీఁడు కాఁతాళంబునఁ గనలెడి నాపై చేఁతలు సేసిఁ జెలఁగుచుఁ దాను	॥కెరలి॥
అల్లనె చూడవె అడవిమృగములకుఁ బల్లము వేసీఁ బైవీఁడు వొల్లని ననునిదె వుల్లమి చేకొనెఁ గల్లరి తిరువేంకటపతి వీఁడు	॥కెరలి॥