బాలులతో వీధులలోఁ బారాడువాఁడు కోలలెత్తుక వుట్లు గొట్టీఁ జుండీ	॥బాలుల॥
నారికడపు వక్కలు నానిన సనగలు చారపప్పుఁ దేనెలు చక్కెరలును పేరిన నేతులు నానబియ్యాలు నుట్లనవే చేరి యశోదబిడ్డకు జెప్పేరు సుండీ	॥బాలుల॥
చక్కిలాలు నడుకులు [1]సనిగెపప్పులును చెక్కిన మెత్తని తూఁటచెఱకులును పెక్కువగా నుట్లలో బిందెల నించినవవే చక్కనెశోదబిడ్డకుఁ జాటేరు సుండీ	॥బాలుల॥
నవ్వులుఁ జిటిబెల్లాలు నున్నని చిమ్మిలులు నువ్వుటిడియునుఁ జిన్ని నురుగులును [2]యెవ్వారు వేంకటపతి కెఱుగించ నారగించి కివ్వకివ్వ నవ్వ నణఁకించీ జుండీ	॥బాలుల॥

---

^[1] ‘సనిగలు’ యతిస్థానములో నుండుట గమనింపవలెను.

^[2] ‘యెవ్వరు’ పూ.ము.పా.