ఆంధ్రభారతి - తాళ్లపాక అన్నమాచార్య కీర్తనలు - భారపుటూర్పులతోఁ బవళించీని వీఁడె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 88-1
సంపుటము: 5-338

తాళ్లపాక అన్నమాచార్య

రాగము: కాంబోది, ఏకతాళి

భారపుటూర్పులతోఁ బవళించీని వీఁడె కూరిమి సతులు మేలుకొలుపరమ్మా	॥పల్లవి॥
వేగినంతకునితఁడు వెలఁదులతోడి రతి భోగించి వచ్చి నిద్రవోయీని సోగకనురెప్పలు మూసుక యిప్పుడెంతేసిఁ జాగరపుఁ బతితోడ చరచరమ్మా	॥భార॥
వొప్పైన సతులతో వుదరములోపల యిప్పుడు నితఁడు సుఖియించీని దప్పిదేరు తనమోముఁదమ్మితోడనిదె వీఁడె వుప్పవడముగఁ బాదాలొత్తరమ్మా	॥భార॥
సరుగున మేలుకొని సరసపుఁ గౌఁగిట గరగరికెల నన్నుఁ గలసీని అరవిరి సురమున అలయుచును వీఁడె తిరువేంకటపతిఁ దెలుపరమ్మా	॥భార॥