ఆంధ్రభారతి - తాళ్లపాక అన్నమాచార్య కీర్తనలు - నిలు నిలు దగ్గరకు నీ యాన నీకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 88-5
సంపుటము: 5-342

తాళ్లపాక అన్నమాచార్య

రాగము: వరాళి

నిలు నిలు దగ్గరకు నీ యాన నీకు వలచితినని మా వారెల్ల నగరా	॥పల్లవి॥
వద్దు వద్దు కొండలలోవారికి మాకింతేసి పెద్దపెద్ద ముత్యాలుపేరులిన్నేసి అద్దము చూచిదె నాకు నంతకంటె సిగ్గయ్యీని గద్దరి మాచెంచువారు గని నిన్ను నగరా	॥నిలు॥
చాలుఁజాలు బంగారు సరుపణు లుంగరాలు నీలపుఁగంట సరులు నీకే వుండనీ మూలనుండేవారు గాక ముత్యాలచెరఁగుల- చేలగట్టుకొన్న నన్ను చెంచెతలు నగరా	॥నిలు॥
రాకురాకు యీడకు నీ రమణుల పాదమాన నాకు నీకు నింతేసి ననుపేఁటికి దీకొని కూడితి నన్ను తిరువేంకటేశ యీ- కాకరిచేఁతలకు లోకమువారు నగరా	॥నిలు॥