ఆంధ్రభారతి - తాళ్లపాక అన్నమాచార్య కీర్తనలు - ఇంతి చేసిన భాగ్యమిట్లుండె దైవకృత - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 91-1
సంపుటము: 5-356

తాళ్లపాక అన్నమాచార్య

రాగము: ఆహిరి

ఇంతి చేసిన భాగ్యమిట్లుండె దైవకృత- మింతయును గడపంగ నెవ్వరికి రాదు	॥పల్లవి॥
విరహవేదనచేత వేఁగెడి విలాసినుల సొరిది నింతకు మున్ను చూడమో వినమో అరుదైన దుస్తరంబై ధరించఁగరాని- దురవస్థలెవ్వరికి దొరకవనికాక	॥ఇంతి॥
తల దోఁకలేని చిత్తమున వలపులఁ బొరలు- పొలఁతులింతకుమున్ను పుట్టరో చనరో అలవోక తెలుపులును అబ్బురపు మరపులును కొలఁదిమీరుట మిగుల గోరమనికాక	॥ఇంతి॥
దేవతాకృపగలిగి దివ్యవైభవములను భూవలయమున సతులు పుట్టరో మనరో శ్రీ వేంకటేశుఁడీచెలియకిచ్చిన చనవు- లేవెలఁదులకు నాతఁడియ్యఁడనికాక	॥ఇంతి॥