ఆంధ్రభారతి - తాళ్లపాక అన్నమాచార్య కీర్తనలు - నగధర నందగోప నరసింహా వో- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 42-5
సంపుటము: 1-259

తాళ్లపాక అన్నమాచార్య

రాగము: సామంతం

నగధర నందగోప నరసింహా వో- ^[1]నగజవరద శ్రీ ^[2]నారసింహా	॥నగధర॥
నరసింహ పరంజోతి నరసింహా వీర- నరసింహ లక్ష్మీనారసింహా నరసఖ బహుముఖ నారసింహా వో- నరకాంతక జేజే నారసింహా	॥నగధర॥
నమో ^[3]నమో పుండరీక నారసింహ వో- నమిత సురాసుర నారసింహా నమకచమకహిత నారసింహా వో- నముచిసూదనవంద్య నారసింహా	॥నగధర॥
నవరసాలంకార నారసింహా వో- నవనీతచోర శ్రీనారసింహా నవగుణివేంకటానారసింహా వో- నవమూర్తి మండెము నారసింహా	॥నగధర॥

^[1] నగజవరద = గజవరద. “మతంగో గజో నాగః” అను నిఘంటువులోని ‘నాగ’శబ్దవ్యుత్పత్యర్థముగా ‘నగజ’ శబ్దప్రయోగము.

^[2] ‘నరసింహ్వ’ ‘నారసింహ్వ’ ఇత్యాదిగా రేకులలో.

^[3] ‘నమో పుండరీక’ ఇది వ్యావహారికసంధి.