ఆంధ్రభారతి - తాళ్లపాక అన్నమాచార్య కీర్తనలు - కడగనుటే సౌఖ్యముగాక యీ- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 42-6
సంపుటము: 1-260

తాళ్లపాక అన్నమాచార్య

రాగము: పాడి

కడగనుటే సౌఖ్యముగాక యీ- తడతాఁకుల నెందరు చనరిట్లా	॥కడ॥
నిలిచిన దొకటే నిజమని తెలిసిన తెలివే ఘన మింతియకాకా కలకాలము చీఁకటి దవ్వుకొనెడి వలల భ్రమల నెవ్వరు వడరిట్లా	॥కడ॥
పరహిత మిదియే పరమని తెలిసిన పరిపక్వమె సంపదగాకా దురితవిధుల గొందుల సందులఁ బడి ధరలోపల నెందరు చనరిట్లా	॥కడ॥
ఘనుఁడీ తిరువేంకటపతియని కని కొనకెక్కుట తేఁకువగాకా పనిమాలిన యీ పలులంపటముల తనువు వేఁచు టెంతటి పని యిట్లా	॥కడ॥