Display:
శృంగార సంకీర్తన
రేకు: 106-3
సంపుటము: 7-33
తాళ్లపాక అన్నమాచార్య
రాగము: ముఖారి
ఏల నాతో బొంకవచ్చే వెఱఁగనా నేఁ దొల్లి
వాలాయించి మాకు మంచివాఁడవే యెప్పుడును
॥పల్లవి॥
దవ్వులనే మొక్కుమని దయ నాపైఁ బెట్టుమని
యెవ్వతె చెప్పెనో కాక యీబుద్ధులు
నివ్వటిల్ల నీ యంత నీవెఱఁగవింతేసి
చివ్వన నొకరి పెట్టుఁజెట్టవే యెప్పుడును
॥ఏల॥
చేచేత వేఁడుకొమ్మని చెక్కునాకు నొక్కుమని
యే చదువులోనుండెనో యీవోజలు
నీ చందములివి గావు నేఁడు గొత్తలా నాకు
సూచింప నొకరాడించే సూత్రమవెప్పుడును
॥ఏల॥
అక్కర నిచ్చలాడేవు ఆయము గరఁగించేవు
యెక్కడ నేరిచితివి యీరతులు
నిక్కి శ్రీ వేంకటేశుఁడ నేఁడు గూడితివిగాక
గుక్కకొకని పెంపుడుగున్నవే యెప్పుడును
॥ఏల॥
AndhraBharati AMdhra bhArati - telugu కీర్తన సాహిత్యము