ఆంధ్రభారతి - తాళ్లపాక అన్నమాచార్య కీర్తనలు - పెంచఁ బెంచ మీఁదఁ బెరిగేటి చెలిమి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 5-1
సంపుటము: 1-29

తాళ్లపాక అన్నమాచార్య

రాగము: ఆహిరి

పెంచఁ బెంచ మీఁదఁ బెరిగేటి చెలిమి ఇంచుకంత తాలిముల కెడలేని చెలిమి	॥పెంచ॥
అంటుముట్టు లేక మనసు లంటుకొన్న చెలిమి కంటఁ గంట నవ్వించే ఘనమైనచెలిమి వెంట వెంటఁ దిరిగాడు వెఱ్ఱిగొన్న చెలిమి యింటివారి చిత్తములకు నెడరైన చెలిమి	॥పెంచ॥
చెక్కుచెమట పెక్కు ^[1]వలనే చిక్కనైన చెలిమి యెక్కడౌటా తమ్ముఁ దమ్ము ^[2]నెఱఁగనీని చెలిమి చక్కఁదనమే చిక్క మేను చిక్కినట్టి చెలిమి లెక్కలేని యాసలెల్ల లేఁతలయిన చెలిమి	॥పెంచ॥
అంకురించినట్టి తలఁపు లధికమయిన చెలిమి లంకెలయిన యాసలెల్లా లావుకొన్న చెలిమి వేంకటాద్రివిభునిఁ గూడి వేడుకయిన చెలిమి పంకజాననలకెల్లఁ బాయరాని చెలిమి	॥పెంచ॥

^[1] ‘వలెనే’ పూ.ము.పా.

^[2] ‘నెఱుఁగని నీ చెలిమి’ పూ.ము.పా.