Display:
శృంగార సంకీర్తన
రేకు: 150-2
సంపుటము: 7-292
తాళ్లపాక అన్నమాచార్య
రాగము: శంకరాభరణం
వలపులు వలపులు వయ్యాళి
చలమరి మరుఁడును సమేళి
॥పల్లవి॥
నెలఁతవమోమునకు నీకనుచూపులు
నిలువున ముత్తెపు నివాళి
కొలఁదికి మీరిన గురుకుచములకును
తొలఁకు నీమనసు దువాళి
॥వలపు॥
వనితనిండు జవ్వన గర్వమునకు
ఘనమగు నీరతి కరాళి
వెనకముందరల వెలఁదిమేనికి నీ
పెనఁగు గోరికొన పిసాళి
॥వలపు॥
పడఁతికోరికల భావంబునకును
కడుఁగడు నీతమి గయాళి
చిడిముడి మగువకు శ్రీ వేంకటపతి
విడువనికూటపు విరాళి
॥వలపు॥
AndhraBharati AMdhra bhArati - telugu కీర్తన సాహిత్యము