ఆంధ్రభారతి - తాళ్లపాక అన్నమాచార్య కీర్తనలు - వొడఁబరచఁగ నేలే వొద్దే యిఁక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 193-1
సంపుటము: 7-549

తాళ్లపాక అన్నమాచార్య

రాగము: కేదారగౌళ

వొడఁబరచఁగ నేలే వొద్దే యిఁక కడునైతే చవిగాదు కానరాదా మీకు	॥పల్లవి॥
చలము లేకున్నఁ జాలుసంతోసమే పనులెల్ల చెలిమికత్తెలు మీరు చెప్పరే బుద్ధి తలఁపు లేశములైతే తనమాటె నామాట తెలుసునో తెలియదో దిష్టిములిందరికి	॥వొడ॥
వేసట లేకున్నఁ జాలు వేడుకలే పొందులెల్ల గాసిఁబెట్టి యిఁకనట్టే కానీ లేరే ఆసలు గలిగితే అన్నిటాఁ దానే నేను యీసుగద్దొలేదొ మీరె యెంచుకొరే యిందును	॥వొడ॥
యెఱుక గలిగితేఁ జాలు యియ్యకోరె వలపెల్ల మఱఁగులు వాపితిరి మంచిదాయనే మఱి శ్రీ వెంకటేశుఁడు మన్నించి యిటు గూడె గుఱిగా మీమనసులఁ గోరినట్టే ఆయనే	॥వొడ॥