ఎదుటి నిధానమ వెటుచూచిన నీ- వదె వేంకటగిరి యనంతుఁడా	॥ఎదుటి॥
సొగిసి భాద్రపదశుద్ధచతుర్దశి తగువేడుక నిందరు గొలువ పగటుసంపదలు బహుళ మొసఁగు[1] నీ[2]- వగు వేంకటగిరి యనంతుఁడా	॥ఎదుటి॥
తొలుత సుశీలకు దుశ్శీలవలన వెలయ సంపదల విముఖఁడవై వలెనని కొలిచిన వడిఁ గాచిన మా- యల వేంకటగిరి యనంతుఁడా	॥ఎదుటి॥
కరుణఁ గాచితివి కౌండిన్యుని మును పరగిన వృద్ధబ్రాహ్మఁడవై దొరవులు మావులు ధ్రువముగఁ గాచిన హరి వేంకటగిరి యనంతుఁడా	॥ఎదుటి॥

---

^[1] ఈపాఠమే సులభమేమో?

^[2] (నిడురేకు 42) సఁగినిధివగు (సగువిధి?).