ఆంధ్రభారతి - తాళ్లపాక అన్నమాచార్య కీర్తనలు - కూరిమి సిగ్గులు తెగీ కొంకనేఁటికి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 235-1
సంపుటము: 8-205

తాళ్లపాక అన్నమాచార్య

రాగము: బౌళిరామక్రియ

కూరిమి సిగ్గులు తెగీ కొంకనేఁటికి యే రీతికైనా నీవు యియ్యకొనవయ్యా	॥పల్లవి॥
పట్టినదే వ్రతము పడఁతులకుఁ జలము అట్టె పతులకుఁ జేయకపోరాదు ఱట్టడి యాపె మోవిచూఱలకు నాసపడేవు యెట్లైనఁ జేయనీ నీవియ్యకొనవయ్యా	॥కూరి॥
ఆడినదేమాటా అంగనలు పంతమున నాడోడికయినా వినకపోరాదు తోడనే మేలుది యాపె తొలఁగలేవు నీవు యేడసుద్దికైనా నీవియ్యకొనవయ్యా	॥కూరి॥
తలఁచినదే పొద్దు తరుణుల కాఁగిటికి వలపులు ముదిరెను వద్దనరాదు బలువాపెది శ్రీ వెంకటపతివి నిన్నుఁ గూడె యెలమి నన్నిటికి నీవియ్యకొనవయ్యా	॥కూరి॥