ఆంధ్రభారతి - తాళ్లపాక అన్నమాచార్య కీర్తనలు - కానీవయ్య దానికేమి కాంత యవివేకి గాదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 252-1
సంపుటము: 9-7

తాళ్లపాక అన్నమాచార్య

రాగము: రామక్రియ

కానీవయ్య దానికేమి కాంత యవివేకి గాదు సానఁబట్టి చూచీని సరిత లన్నియును	॥పల్లవి॥
మంతనాన నీతోను మాటలాడినంతలోనె పంతము దప్పదుగా పడఁతికిని సంతసాన నిన్నుఁజూచి సరసమాడినంతలో దొంతుల కురుకఁడుగా దొరకొని మరుఁడు	॥కానీ॥
వరు సెరిఁగి కాచుక వద్దఁ గూచుండి నంతలో దొరతనము దప్పదు తొయ్యలికిని విరసములేక నీకు విడె మిచ్చినంతలోనె కరకరిఁ బెట్టవుగా కప్పురపుటుండలు	॥కానీ॥
ననుపుసేసుక నీతో నవ్వి నంతలోననె తన నేరుపు దప్పదు తరుణికిని యెనసె శ్రీ వెంకటేశ యిటు నీవాదరించఁగా పెనపులఁ బెట్టవుగా ప్రేమపువలపులు	॥కానీ॥