ఆంధ్రభారతి - తాళ్లపాక అన్నమాచార్య కీర్తనలు - నీకేల వెరపు నీవూ నేనూ నొక్కటే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 277-5
సంపుటము: 9-161

తాళ్లపాక అన్నమాచార్య

రాగము: సామంతం

నీకేల వెరపు నీవూ నేనూ నొక్కటే కోకొమ్మని విడెమిచ్చీఁ గొంకకువయ్యా	॥పల్లవి॥
ముందరనె నిలుచుండి ముసిముసి నవ్వునవ్వి కందువలు నీకుఁ జూపీఁ గలికి యదే అందుకు నీవెఱఁగక అంకెలకు రాకుండితే విందులు చెప్పి పిలిచీ వినవయ్యా	॥నీకే॥
చాయలకు మాటలాడి సరసముఁ గొంతచూపి చేయి నీపై వేసీని చెలియ యిదే నీయంత సన్నెరఁగక నిండుకొని వుండితేను ఆయములు గోరనొత్తీనదె కదవయ్యా	॥నీకే॥
కన్నులఁ దప్పక చూచి కరఁగుచు నట్టె మెచ్చి కన్నె నిన్నుఁ గూడె శ్రీవెంకటవిభుఁడా యెన్నికై కడపలోన నిట్టె నన్నుఁ గూడితివి విన్నపము నీకుఁ జేసీ వింటి వటవయ్యా	॥నీకే॥