ఆంధ్రభారతి - తాళ్లపాక అన్నమాచార్య కీర్తనలు - చాలుఁ జాలు నే నెరంగనా నాఁడు నాఁడె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 2-2
సంపుటము: 10-7

తాళ్లపాక చినతిరుమలాచార్య

రాగము: శంకరాభరణం

చాలుఁ జాలు నే నెరంగనా నాఁడు నాఁడె ఆలరి నీసుద్దు లెల్ల నన్నీఁ గంటిని	॥పల్లవి॥
సారె సారె నన్ను నేల పిలిచేవు యేరా నీ వలపు నే నెరఁగనిదా వూరకె యింకా నేలరా మాఁటలనె దూరేవు నీసుద్దు లెల్ల తొల్లె కంటిమి	॥చాలు॥
సన్నలు సేసే సేమిరా యెరఁగనా చిన్ననాఁడె నీ చేఁత లెల్లాను చన్నులుముట్టే వేమిరా నాలికాఁడ వున్నతి నీసుద్దు లెల్లా నిన్ననె కంటిమి	॥చాలు॥
దగ్గరి చేయి వట్టేవురా యెప్పుడును నిగ్గుల నీ చల మెల్లా నే నెరఁగనా అగ్గమై శ్రీవెంకటనాథ కడపలో దగ్గరి నన్నుఁ గూడగా తలఁ పెల్లాఁ గంటిమి	॥చాలు॥