ఆంధ్రభారతి - తాళ్లపాక అన్నమాచార్య కీర్తనలు - ఎంచి మీ చుట్టెరికము లిందులో దెలుసుఁగా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 8-2
సంపుటము: 10-43

తాళ్లపాక చినతిరుమలాచార్య

రాగము: శంకరాభరణం

ఎంచి మీ చుట్టెరికము లిందులో దెలుసుఁగా మించి నడచితి రైన మీకు మీ యాన	॥పల్లవి॥
యేలా చల్లనిగాలి యింతి నేఁచ నేఁటికి జాలి రేఁచితైన నీకు చందన మాన మేలిమి తుమ్మిదలాల మెలుఁత వోరువ లేదు కోలుముందై కూసిన మీకులము నాన	॥ఎంచి॥
మదనుఁడా చెలిమీఁద మానవయ్య కోపము పదరితి వైన పంచబాణము లాన పొదలినా చందమామ పున్నమవెన్నెల గాసి కదిసి యెంచితి వైన కలువ లాన	॥ఎంచి॥
చక్కని కోవిలలాల జవరా లోపఁగ లేదు చిక్కని కూఁత రేఁచితే చిగురు లాన గక్కన నింతిని శ్రీవెంకటనాథుఁడు గూడె మక్కువ నిందరికిని మానితి నాన	॥ఎంచి॥