ఆంధ్రభారతి - తాళ్లపాక అన్నమాచార్య కీర్తనలు - వెలఁది నీ చెమటలె వెళ్ల వేయఁగా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 8-4
సంపుటము: 10-45

తాళ్లపాక చినతిరుమలాచార్య

రాగము: సామంతం

వెలఁది నీ చెమటలె వెళ్ల వేయఁగా తలఁగి నేఁ జెప్పకుంటే దాఁగఁ బొయ్యీనా	॥పల్లవి॥
సంగతి నీమోహ మెల్లా సకితోఁ జెప్పఁగఁ బోతే అంగడిఁ బెట్టెకు మని ఆనవెట్టేవే దొంగిలి గజ్జలపేరు తొలఁగఁ బెట్టెఁగఁ బోతే వెంగలితనమె కాక వినక మానేరా	॥వెలది॥
యీకడ నీ విరహము యింతితో జెప్పఁగఁ బోతే కాకుసేయ వద్దంటా కన్ను గీఁటేవే పైకొని కన్నులు మూసి పాలు దాగఁబోతేను జోకగా నింటివారు చూడక మానేరా	॥వెలది॥
జిగి విభుని దెమ్మని చెలులతోఁ జెప్పఁబోతే అగడు సేయకు మని ఆన వెట్టేవే నగుతా శ్రీవెంకటనాథుఁడె తా నిన్నుఁ గూడె చిగిరింపుఁ గోరికల చేఁత డాఁగీనా.	॥వెలది॥