Display:
శృంగార సంకీర్తన
రేకు: 8-6
సంపుటము: 10-47
తాళ్లపాక చినతిరుమలాచార్య
రాగము: వరాళి
ఆపె యెరుఁగును నీ వన్నియూ నెరుంగుదువు
రేపు మాపు నే నెచ్చరించేనా విభుఁడ
॥పల్లవి॥
చిలుకచే మాఁటలు చెప్పెంప్పి మరు
చిలుకలపాలుగఁ జేయ నేల
కల గని లేచి లేకలు వ్రాసి కాఁ
కలఁ బొరలుచునె నీకడ కంపెఁ జెలియా
॥ఆప॥
కడువేగ ముదుర వుంగరమె యంపి మరు
కడివోని బాణాలఁ గాఁచ నేల
బడి బడి విరహనఁ బడలేక మా
పడఁతి నీకుఁ జిత్తరుపట మంపె నిదివో
॥ఆప॥
విందువలెఁ గప్పురపు విడె మిచ్చి గో
విందుఁడ వయిన శ్రీవెంకటనాథ
కందు లేనివేడుక నాకందుకొని నీ
కందువ లంటి కూడెఁ గాంతయు నిన్నిపుడూ
॥ఆప॥
AndhraBharati AMdhra bhArati - telugu కీర్తన సాహిత్యము