ఆంధ్రభారతి - తాళ్లపాక అన్నమాచార్య కీర్తనలు - నీ వేల వత్తువయ్య నెలఁతఁ బాసి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 9-4
సంపుటము: 10-51

తాళ్లపాక చినతిరుమలాచార్య

రాగము: వరాళి

నీ వేల వత్తువయ్య నెలఁతఁ బాసి మావంటివారు నీకు మనసయ్యేరా	॥పల్లవి॥
ఇప్పటికి మాతోడ యిచ్చక మాడేవు గాక తప్పరాని బాస నీవు దాఁటఁ గలవా అప్పసమై తలఁపెల్లా ఆపెకుఁ గుదువవెట్టి దెప్పరమై మావెంటఁ దిరుగ నోపుదువా	॥నీవెల॥
నిక్కమువంటి మాఁటలే నెరుపేవు గాక నీవు వొక్కమనసై యీడ నుండఁ గలవా అక్కజపు నీమేను ఆపెకు మీదుచ్చి యిక్కడ మాతొంటిపొందు యితవయ్యీనా	॥నీవేల॥
ముచ్చట సేక మాతో మొగమోడే వింతే పక్క మచ్చికయాపె కాఁగిలి మాన గలవా కచ్చుపెట్టి నన్ను శ్రీవెంకటనాథ కూడితివి యెచ్చరిక నిట్టె మాయింటికి రాఁగలవా	॥నీవేల॥