ఆంధ్రభారతి - తాళ్లపాక అన్నమాచార్య కీర్తనలు - కలితె నానతీవయ్యా కానిదానికి నేమి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 9-5
సంపుటము: 10-52

తాళ్లపాక చినతిరుమలాచార్య

రాగము: దేసాళం

కలితె నానతీవయ్యా కానిదానికి నేమి చెలరేఁగి ఆపె మాఁట చెల్లించేఁ గాని	॥పల్లవి॥
వెడ్డువెట్టి నే నిన్ను వేడుకతోఁ గొసరఁగా అడ్డాలు వచ్చీ నాకంటే నంత చుట్టమా వొడ్డినగర్వాన నాతో వొరగోసుకొన్నది సడ్డలాడి నీ వింత చనవు లిచ్చితివా	॥కలితె॥
బాసగొని నే నిన్ను పై పైఁ బలుకఁగాను యీసడించీ నాకంటే యితవరా గాసిలి మచ్చరాన నీకాంత మాసటీనివలె సేసిన చేఁతల కల్లా చెల్లుబ డిచ్చితివా	॥కలితె॥
యీపొద్దె నిన్ను మాయింటికిఁ దోడుక పోఁగా కోపగించీ నాకంటెఁ గూరిచినదా కైపు గాక నన్ను శ్రీవెంకటనాధ కూడితివి పై పై నాపెకుఁ బారుపత్యము లిచ్చితివా.	॥కలితే॥