ఆంధ్రభారతి - తాళ్లపాక అన్నమాచార్య కీర్తనలు - కాదని వేగిరించితే కరఁగీనా ఆతఁ డేమి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 9-6
సంపుటము: 10-53

తాళ్లపాక చినతిరుమలాచార్య

రాగము: పాడి, అటతాళం

కాదని వేగిరించితే కరఁగీనా ఆతఁ డేమి వాదు మాని వచ్చినట్టె వచ్చేదె చాలును	॥పల్లవి॥
మాఁట లాడించకురే మదనమంత్రాలు దప్పీ నేఁటిదాఁక నాపెవద్ద నేరిచినవి నీటుతోడ నాతనిని నిండునిధానమువలె సూచీచూపుల మనము చూచేదె చాలును	॥కాదని॥
గందము వూయకురే యంగజునిముద్రలుమాసీ కందువ నిన్నాళ్ల దాఁకా గడించినవి దిందుపడ నుపారము దేవరకుఁ జూపినట్టు ముందర నన్నియుఁ బెట్టి మొక్కేదె చాలును	॥కాదని॥
మల్లాడి తియ్యకురె మన్మథయోగ మెడసీ తొల్లియూ నాపెవలన దొరకినది కల్ల గాదు నన్ను శ్రీవెంకటనాథుఁడె కూఁడె చెల్లుబడి నీచనవు చేకొనేదె చాలును	॥కాదని॥