ఆంధ్రభారతి - తాళ్లపాక అన్నమాచార్య కీర్తనలు - అప్పుడువో నినుఁ గొలువఁగ నరుహము గలుగుట ప్రాణికి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 7-2
సంపుటము: 1-43

తాళ్లపాక అన్నమాచార్య

రాగము: లలిత

అప్పుడువో నినుఁ గొలువఁగ నరుహము గలుగుట ప్రాణికి కప్పినదియుఁ గప్పనిదియుఁ గనుఁగొనఁగల నాఁడు	॥అప్పుడు॥
ఆపదలకు సంపదలకు నడ్డముచెప్పని నాఁడు పాపములకు పుణ్యములకుఁ బనిదొలఁగిన నాఁడు కోపములకు శాంతములకుఁ గూటమి మానిన నాఁడు లోపల వెలుపల తన మతిలోఁ దెలిసిన నాఁడు	॥అప్పుడు॥
తనవారలఁ బెరవారలఁ దాఁ దెలిసిన నాఁడు మనసునఁ జైతన్యంబున మఱపందిన నాఁడు పనివడి తిరువేంకటగిరిపతి నీ దాసులదాసులఁ గనుఁగొని నీ భావముగాఁ గను విచ్చిన నాఁడు	॥అప్పుడు॥