Display:
అధ్యాత్మ సంకీర్తన
రేకు: 7-3
సంపుటము: 1-44
తాళ్లపాక అన్నమాచార్య
రాగము: సామంతం
కొలువుఁడీ భక్తిఁ గొండలకోనేటి-
నిలయుని శ్రీనిధియైనవాని
॥కొలువు॥
ఆదిదేవుని నభవుని సామ-
వేదనాదవినోదుని నెర-
వాది జితప్రియు నిర్మలతత్త్వ-
వాదుల జీవనమైనవాని
॥కొలువు॥
దేవదేవుఁడైన దివ్యుని సర్వ-
భావాతీతస్వభావుని
శ్రీవేంకటగిరిదేవుఁడైన పర-
దేవుని భూదేవతత్పరుని
॥కొలువు॥
AndhraBharati AMdhra bhArati - telugu కీర్తన సాహిత్యము