ఆంధ్రభారతి - తాళ్లపాక అన్నమాచార్య కీర్తనలు - కంటి మిన్నాళ్లకు గక్కన దొంగను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 375-6
సంపుటము: 11-450

తాళ్లపాక అన్నమాచార్య

రాగము: లలిత

కంటి మిన్నాళ్లకు గక్కన దొంగను అంటె నోర నదే అంగమచ్చము	॥పల్లవి॥
వుట్టు లెక్కినాఁ డొక్క తొక్కతె తిట్టఁ దిట్ట వాని దిగఁ బిలవరే గుట్టుఁ గృష్ణునికి గొల్లెతలకును యెట్టు గావలసి నట్టయ్యీఁ గాని	॥కంటి॥
మూల నున్నాఁ డదె ముంగిటికిఁ దీసి రోలఁ గట్టరే రోస మెల్లఁ దీర నీలవర్ణునితో నేఁడు మనబలి మేలాగున నైన నెక్కీఁ గాని	॥కంటి॥
మంచముపై వాఁడె మన మిందరము కొంచక వొక్కొక్కగురుతు నేయరే యెంచఁగ శ్రీవెంకటేశునకు మనకు నంచెఁ బొందు లాయ నట్టే కాని	॥కంటి॥