ఆంధ్రభారతి - తాళ్లపాక అన్నమాచార్య కీర్తనలు - యేమి సేతు నీ మీఁద నెంతైనా నాస మానదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 402-1
సంపుటము: 12-7

తాళ్లపాక అన్నమాచార్య

రాగము: శ్రీరాగం

యేమి సేతు నీ మీఁద నెంతైనా నాస మానదు మామీఁది వలపు నీకు మరపాయఁగా	॥పల్లవి॥
చేరి నీతో మాటలాడి సేవలు సేసుకొంటా యీరీతినే నుండినది యిది చాలక కారించి యిందు మీఁదను కాఁకలు చల్లఁ జూచేవు గారవపు నీదయ కాన వచ్చెఁగా	॥॥
కన్నులు చల్లఁగఁ జూచి కడు నీతో నవ్వుకొంటా యెన్నికగా నే నుండిన దిది చాలక మిన్నక నీ విందుమీఁద మేకులు సేయఁ జూచేవు మన్నించెనన్న నీ మాటపట్టు మీరెఁగా	॥॥
అప్పటప్పటికి నిన్ను నట్టే కౌఁగిలించుకొంటా యిప్పుడు గూడివుండిన దిది చాలక అప్పుడ శ్రీ వేంకటేశ అలమేలుమంగ నేను కప్పేవు పచ్చడము నీ గతి గంటిఁ గా.	॥॥