ఆంధ్రభారతి - తాళ్లపాక అన్నమాచార్య కీర్తనలు - ఎట్టోరువవచ్చు యిటువంటివెల్లఁ జూచి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 517-5
సంపుటము: 13-99

తాళ్లపాక అన్నమాచార్య

రాగము: ఆహిరి

ఎట్టోరువవచ్చు యిటువంటివెల్లఁ జూచి పట్టపగటనుండియు బడలె నీచెలియ	॥పల్లవి॥
పంతగాఁడవైనందుకు బలిమి గలయందుకు నింతులతోఁ జూపేవా యెగసక్కేలు యెంతదడవాకుమడిచిప్పించుకొనేవు నీవు బంతినిట్టే నిలుచుండి బడలె నీచెలియ	॥ఎటోప॥
నేరుపరివైనందుకు నిజముగల యందుకు ఆరీతిఁ దక్కింతురా యంగనలను కోరి తొడలపైఁ జాఁచుకొంటివి నీపాదాలు భారము మోచుకవుండి బడలె నీచెలియ	॥ఎటోప॥
యేలినందుకు శ్రీవేంకటేశుఁడవైనందుకు జాలిఁబెట్టుదురా యింత సకియలను వేళతోఁ గాఁగిటఁ గూడి వెలయ మన్నించితివి ఆలరి రతులచేత నలసె నీచెలియ	॥ఎటోప॥