[1]నగుఁబాట్లఁ బడే నా జిహ్వ పగటున నిదివో పావనమాయ	॥నగు॥
ఇల నిందరి నుతియించి పెంచువలె నలినలియైనది నా జిహ్వా నలినోదరు శ్రీనామము దలఁచిన ఫలమున కిదివో పావనమాయ	॥నగు॥
భ్రమఁబడి మాయపు పడఁతుల తమ్మలు నమలి చవులుగొనె నా జిహ్వా అమరవంద్యుఁడగు హరి నుతియించఁగ ప్రమదము చవిగొని పావనమాయ	॥నగు॥
నెలఁతల పలుయోనిద్రవనదులను నలుగడ [2]నీఁదెను నా జిహ్వా అలసి వేంకటనగాధిప యనుచును పలికినయంతనె పావనమాయ	॥నగు॥

---

^[1] ‘నగుఁబాట్లఁ బడెనా జిహ్వా’ అని పూ.ము.పా.

^[2] ‘నిండెను’ అని పూ.ము.పా.