ఆంధ్రభారతి - తాళ్లపాక అన్నమాచార్య కీర్తనలు - పట్టవసముగాని బాలుఁడా పెనుఁ- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 9-4
సంపుటము: 1-58

తాళ్లపాక అన్నమాచార్య

రాగము: భైరవి, రచ్చెతాళం

పట్టవసముగాని బాలుఁడా పెనుఁ- బట్టపుబలువుఁడ బాలుఁడా	॥పట్ట॥
ఇరుగడ బ్రహ్మయు నీశ్వరుఁడును నిన్ను సరుస నుతింప జఠరమున అరుదుగ నుండి ప్రియంబున వెడలిన పరమమూర్తివా బాలుఁడా	॥పట్ట॥
తల్లియుఁ దండ్రియుఁ దనియని ముదమున వెల్లిగ లోలో వెఱవఁగను కల్లనిదురతోఁ గనుమూసుక రే- పల్లెలోఁ బెరిగిన బాలుఁడా	॥పట్ట॥
యేదెసఁ జూచిన నిందరి భయముల సేదలు దేఱఁగఁ జెలగుచును వేదపల్లవపు వేంకటగిరిపై పాదము మోపిన బాలుఁడా	॥పట్ట॥