శృంగార సంకీర్తన
రేకు: 610-1
సంపుటము: 14-55
రేకు: 610-1
సంపుటము: 14-55
తాళ్లపాక అన్నమాచార్య
రాగము: హిజ్జిజి
| ముసిముసి నవ్వులతో ముసుఁగులు వెట్టుకొని పసలుగ మేలుకొని పవ్వళించి వున్నారు | ॥పల్లవి॥ |
| సిగ్గులు విడిచినట్టి సీఁటవలపులవారిఁ కెగ్గులు దప్పులున్నవా యెవ్వరన్నాను అగ్గమైన సతులు వచ్చి అట్టె కొలువు సేయఁగా బగ్గన నాపేఁ దానూఁ బవళించి వున్నారు | ॥ముసి॥ |
| వెఱపు మఱపు లేని వేడుకకాండ్లకు మఱఁగు మొఱుఁగున్నదా మాపుదాఁకాను తఱి మేలుకొలిపే పదము లింతులు వాడఁగ పఱపై పై నాఁపేఁదాను పవ్వళించివున్నారు | ॥ముసి॥ |
| గొంటరులై వుండినట్టి కోడెకాండ్లకు నెల్ల జంట వాయనున్నదా సారెసారెను యింటనే శ్రీ వేంకటేశుఁ డీపెఁ గూడి మనముల బంటులఁ దొత్తులఁ జేసి పవళించి వున్నారు | ॥ముసి॥ |