ఆంధ్రభారతి - తాళ్లపాక అన్నమాచార్య కీర్తనలు - వలసినప్పుడు మేము వచ్చేముగాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 652-2
సంపుటము: 14-308

తాళ్లపాక అన్నమాచార్య

రాగము: సౌరాష్ట్రం

వలసినప్పుడు మేము వచ్చేముగాని మలసి మమ్మీవేళ మన్నించరయ్యా	॥పల్లవి॥
తరుణిచిత్తము నీతలఁపు కొలఁదే కాక యెరవుల మామాట యేఁటికయ్యా వొరసి బుద్దులు చెప్పి వొకరి వారముగాము మరిగి వుండేరు మీరే మరి మేమేలయ్యా	॥వల॥
అంగన చలము మీ అలుకకోలఁదే కాక సంగతిగాని నూపొందు చాలునయ్యా వెంగలిచేఁతల మొక్కి విదిలింపించుకొంటిమి ముంగిటనుండేము మాతో మొగమోటేలయ్యా	॥వల॥
వనితప్రియము నీవలపు కొలఁదే కాక తనిసితిమి మానీటు దక్కెనయ్యా చనవున మీకు మీకే చక్కనై కూడితిరిదే ననిచి శ్రీవేంకటేశ నవ్వు నవ్వేమయ్యా	॥వల॥