ఆంధ్రభారతి - తాళ్లపాక అన్నమాచార్య కీర్తనలు - ఇంతకు వచ్చినమీఁద నిఁకనేల మొగమోట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 652-5
సంపుటము: 14-311

తాళ్లపాక అన్నమాచార్య

రాగము: కుంతలవరాళి

ఇంతకు వచ్చినమీఁద నిఁకనేల మొగమోట చింతదీర నిన్ను నేమి సేసినానుఁ జెల్లదా	॥పల్లవి॥
యీగతి నిద్దిరించేవు యిట్టె నావద్దికి వచ్చి వేగుదాఁకా నీ పొందు వెగటా నీకు చేగదేరనిని ఆడఁ జేయ మరచి వచ్చితా ఆగడపునిన్ను దూరనట్టె నాకుఁ ఖల్లదా	॥ఇంత॥
పన్ని తల నొచ్చీనంటాఁ బైపైనిట్టె మూలిగేవు విన్నవించే నామాట వేసటా నీకు యిన్నేసి మాయలు సేయనీడనే నేరిచితివా కన్నచోట నీగుణాలు కాకుసేయఁ జెల్లదా	॥ఇంత॥
చెల్లినంతాఁ జేసి వచ్చి చేయివట్టి పెనఁగేవు పల్లదాన నే నేఁడు బాఁతే నీకు వొల్లనే శ్రీవేంకటేశ వూరడించి కూడితివి చల్లజంపులను నిన్ను జంకించఁ జెల్లదా	॥ఇంత॥